Усанд живсэн хүнд: Усанд живж ухаан алдсан хүний амьсгалын эрхтэнг 5 мин, зүрхний үйл ажиллагааг 15мин дотор сэргээхгүй бол үхэлд хүргэнэ. Гэхдээ үхлийн шинж тэмдэг илрээгүй цагт хиймэл амьсгал, зүрхний иллэлийг тасралтгүй хийх хэрэгтэй.

Усанд живж ухаан алдсан хүнийг уснаас гаргангуут хувцас нөмөргөнө. Уруу газар доош нь харуулан хэвтүүлж хэвлий дор нь юм ивж өгнө. Эсвэл өвдгөн дээрээ гэдсийг тааруулан доош харуулж хэвтүүлээд нуруунаас нь шахаж ходоод уушигнаас усыг нь гаргана. Хүүхдийг бол 2 хөлнөөс нь дээш өргөнө.Өөрөө амьсгалж ухаан орохгүй бол хиймэл амьсгал хийнэ. Нэг гараар эрүүг нь дооош татаж, нөгөө гараар хамрыг нь чимхэж амнаас аманд зохиомол амьсгал хийнэ. Өвчтөнийг дээш нь харуулан хэвтүүлж өвчүүний доохно талд 2 гараа давхарлан 1 минутанд 50-60 удаа хүчтэй жигд дарж огцом авна.

Тогонд цохиулсан хүнд:

Цахилгаан утас болон бусад эх үүсвэрийг бээлийтэй гар, хуурай модоор салгана.

Тогонд цохиулсан хүний зүрхний цохилт сонсогдохгүй, амьсгалахгүй байвал зүрхний иллэг, зохиомол амьсгал хийх хэрэгтэй. Ухаан ормогц дулаан хучиж хэвтүүлэн халуун цай, бага зэрэг архи өгч болно.