Өдөр өдрийн нар шиг хуучин атлаа шинэ байхсан
Өнөд холынх байтлаа дэргэдийнх юм шиг ойрхон байгаасай
Өнөөх муу чинь, овоо доо гэгдэж үргэлж биш ч дурсагдаж байхсан
Үүрийн гэгээ шиг, шинэдийн сар шиг гэгээн байхсан

Оргил оргилийн бэл шиг намхан атлаа өгсүүр байхсан
Одох, ирэхийн хөсгийг зүрхэн дундуур туучуулсаар хөндүүр байхсан
Олз хайгч, алдар горилогчийн эгнээнд олдохуйяа ховор, хүрэхүйеэ алс байхсан
Оюунлаг сэрэл, гэгээлэг хүслийн өмнө оддын түүчээ шиг, цэцгийн шүүдэр шиг тод байхсан.
Өвөл өвлийн цас шиг шинэхэн мөртлөө содон байхсан
Өсөх багын хүсэл шиг дэврүүн болоод бүрхэг байхсан.
Үзэж туулсны гэрч, өнгөрүүлж элээхийн хөтөчболж
Өнөд холынх байтлаа дэргэдийн юм шиг ойрхон байхсан
Магтаалын цагаан зуд, магтагдахын улаан гангаас ангид
Маргааш өглөөний нар шиг шинэхэн атлаа хучин байхсан.