Сайн байцгаана уу, хүүхдүүдээ! "Утасны найраа" булангийн маань ээлжит дугаар та бүхэнд хүрч байна. Энэ удаагийн дугаарт Beatbox Бачка ах маань оролцлоо. Тэрээр тун гэнэн байсан шүү.

Мэдээж дараагийн дугаарт хэнийг оруулмаар байгаагаа 9923-7417 дугаарт мессэжээр илгээгээрэй.

Сур: -Байна уу?
Бачка: -Байна.

Сур: -Сайн байна уу? Бачка мөн үү?
Бачка: -Тийм ээ, мөн байна.

Сур: -Аан, за. "..." электрониксоос ярьж байна. Та манай компанийн азтан болсон байна. Юуны өмнө танд баяр хүргэе!
 Бачка: -Айн, юу гэнээ?

Сур: -Манай компаниас зарласан азын сугалаанд таны бүртгэл хамрагдсан байна. Та 40 инчийн LCD телевиз хожлоо.
Бачка: -Би таны ярьсан зүйлийг сайн ойлгосонгүй ээ. Би танай дэлгүүрээс юм худалдаж аваагүй ш дээ.

Сур: -Та "..." электроникс гэдэг дэлгүүр мэдэх үү?
Бачка: -Мэднээ.

Сур: -Та манайхаас угаалгын машин авсан юм байна шүү дээ. Өөрөө Бачка мөн биз дээ?
Бачка: -Мөн, мөн. Гэхдээ угаалгын машин аваагүй дээ.

Сур: -Ямартай ч та манай компанийн азтан болсон байна. Та ирж шагналаа авна уу?
Бачка: -Хэзээ, хаанаас очиж авах вэ?

Сур: -13-р хороололд байрлах "..."электрониксийн салбараас ирээд авчих аа.
Бачка: -Аан, за за. Одоо очлоо.
Сур: -За хүлээж байя.

Хэсэг хугацааны дараа

Сур: -Бачка ахаа, та манай "Сурагч" сонины "Утасны найраа" буланд маань маш амжилттай оролцлоо. Их гайхав уу?
Бачка: -Хэ хэ. Тэгэлгүй яахав. Үнэхээр хожчихсон юм байх л гэж бодлоо. Ядаж байхад угаалгын машин авсан гэхээр нь бүүр гайхаж байсан. /инээв/

Сур: -Ямар ч байсан та манай "Утасны найраа" буланд амжилттай найрагдлаа. Танд баярлалаа.
Бачка: -За, баярлалаа.

Ярилцсан Б.Одмаа