"С1" телевизийн "Шоу биз" нэвтрүүлгийг хөтлөх гэж эгээ л нүцгэлэх шахаж явсан Б.Мөнхзул өдгөө усанд хаясан чулуу шиг л сураг алдарч.

Хэтэрхий гэмээр эротик төрх, задгай хувцаслалтаасаа болоод олны танил, чинээлэг эрхмүүдтэй нэр холбогдох болсон хөтлөгч бүсгүй нэг хэсэг бүр "дуучин Д.Болдын амраг" хэмээн хардуулсан нь ч бий. Нэлээд хөрөнгөтэй айлын эрх охин хэмээн өөрийгөө цоллосон тэрбээр сүүлийн үед телевизийн ажлаа орхиод өөр салбарт хүчээ сорьж эхэлсэн гэнэ. Чамгүй хөрөнгө зарцуулан байж босгосон барилгын компаниа тэрбээр ээж, аавынхаа тусламжтайгаа нэлээд чадварлаг удирдах болсон бөгөөд энэ хүрээний томчуудтай хүртэл дотно нөхөрлөх болсон аж. Тиймээс хөтлөгч бүсгүйн наалинхай ааш, эрх яриа, нүцгэн шахуу биеийг харах дуртай залуус ёстой л сувгаа солих хэрэгтэй болох нь. Б.Мөнхзул ч томоохон арга хэмжээнээс бусад үед ажлын шаардлагын дагуу даруухан хувцасладаг болсноо найз нөхөддөө дуулгасан аж.